ᑲᒪᔨᐅᓂᐊᖅᑐᑦ “ᐅᖓᑖᓄᑦ ᓯᓚᕐᔪᐊᖓᓄᑦ” ᐱᓕᕆᐊᒃᓴᖅ”, 100% ᐊᕐᓇᐃᓐᓇᐅᓪᓗᑎᒃ ᐱᓕᕆᓂᐊᖅᑐᑦ ᑲᑎᖅᓱᐃᓂᐊᖅᑐᑦ ᐅᖃᐅᓯᐅᓯᒪᖏᑦᑐᓂᒃ ᐅᓂᒃᑳᓂᒃ ᐃᓄᓐᓂᑦ ᑲᓇᑕᒥᐅᓂᑦ ᐊᕐᓇᓂᒃ.
ᐱᓕᕆᐊᒃᓴᐅᑉ ᒥᒃᓵᓄᑦ
ᐊᕐᕌᒍᑦᑎᓐᓂ, ᐅᑭᐅᖅᑕᖅᑐᒥ ᐱᓕᕆᖃᑎᒌᓐᓂᖅ, ᐅᒪᕐᔪᐊᓕᕆᖃᑦᑕᖅᑐᑦ ᑲᒪᔨᐅᓂᐊᕐᒪᑕ “ᐅᖓᑖᓄᑦ ᓯᓚᕐᔪᐊᖓᓄᑦ” − ᐊᔾᔨᒌᖏᑦᑐᑦ ᐃᓕᓐᓂᐊᖅᓯᒪᓂᖃᖅᑐᑦ ᐱᓕᕆᓯᒪᔪᑦ ᐱᒋᐊᖅᑎᑕᐅᓪᓗᓂ ᐃᒃᓯᕙᐅᑕᕆᔭᐅᖃᑦᑕᓚᐅᖅᓯᒪᔪᒥᓂᕐᒧᑦ ᐃᓄᐃᑦ ᓯᓚᕐᔪᐊᒥ ᑲᑎᒪᔨᖏᓐᓄᑦ ᐅᖃᓕᒃ ᐃᔨᑦᓯᐊᕐᒧᑦ ᐊᒻᒪᓗ ᑎᑎᖅᑐᒐᖅᑎ ᔨᓯᑲ ᕼᐅᔅᑕᓐ.
100% ᐊᕐᓇᐃᓐᓇᐃᑦ ᓯᓚᕐᔪᐊᑉ ᐊᓯᔾᔨᖅᐸᓪᓕᐊᓂᖓᓄᑦ ᑐᕌᒐᖃᖅᑐᑦ ᑎᑎᕋᕈᒪᓪᓗᑎᒃ ᐅᐱᒋᔭᐅᓗᑎᒃ ᐅᓂᒃᑳᕆᔭᐅᔪᓂᑦ ᐃᓄᓐᓂᑦ ᐊᒻᒪᓗ ᐃᓕᖅᑯᓯᖃᑎᒋᖏᑕᖏᓐᓂᒃ ᐅᑭᐅᖅᑕᖅᑐᒥ ᐊᐅᓚᖃᑎᖃᕐᓗᑎᒃ. ᐅᒥᐊᕐᔪᐊᒃᑯᑦ ᐃᖏᕐᕋᓗᑎᒃ ᐃᒪᕕᒻᒥ, ᐱᓕᕆᖃᑎᒌᑦᑐᑦ ᓂᐅᕐᕈᖃᑦᑕᕐᓂᐊᖅᑐᑦ ᓄᓇᓕᓐᓄᑦ ᐅᓂᒃᑳᓂᒃ ᑲᑎᖅᓱᐃᒋᐊᖅᑐᕐᓗᑎᒃ ᐃᓄᐃᑦ ᐊᕐᓇᐃᑦ ᖃᐅᔨᒪᔭᖏᓐᓂᒃ ᓄᓇᒥ, ᓂᕐᔪᑎᓂᒃ, ᖁᓪᓕᖅ, ᐊᓐᓄᕌᓂᒃ ᐊᒻᒪᓗ ᒥᖅᓱᕐᓂᖅ ᐊᒻᒪᓗ ᑲᔪᓯᑎᓯᒪᔭᖏᓐᓂᒃ ᓄᓇᓕᖏᓐᓂᒃ ᐊᒻᒪᓗ ᑎᑭᑕᐅᕙᓪᓕᐊᖃᑦᑕᓕᖅᑎᓪᓗᒋᑦ ᓯᕗᓕᖏᑦ ᐅᓂᒃᑳᕆᔭᐅᕙᑦᑐᒥᓂᕐᓂᒃ. ᐱᓕᕆᖃᑎᒌᑦ ᐊᐱᖅᓱᖃᑦᑕᓛᕐᒥᔪᑦ ᖃᐅᔨᓴᖅᑎᕐᔪᐊᖑᓯᒪᔪᓂᒃ, ᑎᑎᕋᖅᑎᓂᒃ, ᐃᓕᓴᐃᔨᓂᒃ, ᑭᒡᒐᖅᑎᐅᓯᒪᔪᓂᒃ, ᐊᒻᒪᓗ ᐅᓂᒃᑳᓕᐅᖅᑎᐅᓯᒪᔪᓂᒃ ᑕᐃᒃᓱᒪᓂᑦ ᐅᓪᓗᒥᒧᑦ ᐃᖏᕐᕋᕕᒋᔭᖏᓐᓂᑦ.
ᓴᐳᔾᔨᔩᑦ ᐃᒪᕐᔪᐊᒥ ᐅᐱᒍᓱᑦᑐᑦ ᑲᒪᔨᐅᓂᐊᕐᓂᕐᒥᓂᒃ ᐱᓕᕆᓂᐊᖅᑐᓂᒃ ᐅᒥᐊᕐᔪᐊᒥ ᑕᐃᔭᐅᔪᒥᒃ Que Sera. ᐱᓗᐊᖅᑐᒥᒃ ᐊᔾᔨᒌᖏᑦᑐᓂᒃ ᐃᓕᓐᓂᐊᖅᓯᒪᓂᖃᖅᑐᓄᑦ ᐊᒻᒪᓗ ᐱᓕᕆᑎᑦᓯᖃᑦᑕᕐᓂᐊᕐᓂᖏᑦ ᐃᖏᕐᕋᓗᑎᒃ. ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐅᕗᖓ ᖃᕆᓴᐅᔭᒃᑯᑦ ᓇᕿᑦᑕᕐᓗᒋᑦ: https://www.jessicahouston.net/#/beyond-her-horizons/
ᑮᓇᐅᔭᖃᖅᑎᑕᐅᔪᒍᑦ ᑕᐃᒃᑯᓄᖓ ᐱᑐᖃᕐᓂᑦ ᓯᕗᓕᐅᓚᐅᖅᑐᓂᒃ ᖃᐅᔨᓴᖅᑎᐅᔪᓂᑦ ᐊᒻᒪᓗ ᐅᑯᓇᖓᑦ ᑲᓇᑕᒥᐅᓂᑦ ᓄᓇᓕᕆᔨᓂᑦ ᐊᒻᒪᓗ ᑲᓇᑕᒥ ᑲᑎᒪᔨᓂᑦ ᓴᓇᑐᓂᕐᒧᑦ. ᓇᒻᒥᓂᖃᖅᑐᑦ ᐅᑭᐅᖅᑕᖅᑐᒥᐅᓄᑦ ᑐᕌᖓᔪᓂᒃ ᐊᐅᓚᑦᓯᑎᑕᐅᓲᑦ ᐊᒻᒪᓗ ᑲᓇᑕᒥ ᐅᐊᓇᖓᓂ ᖃᖓᑕᓲᖅᑏᑦ ᑖᒃᑯᐊᑦᑕᐅᑦ ᐃᑲᔪᖅᑐᐃᔪᑦ. ᐅᒥᐊᕐᔪᐊᒃᑯᕈᖃᑎᒋᔭᕗᑦ ᑕᓯᕐᔪᐊᓕᕆᔨᐅᔪᑦ.
ᓯᓚᕐᔪᐊᖓᓂ, ᑲᑐᔾᔨᖃᑎᒌᑦᑐᑎᒃ ᐱᓕᕆᐊᒃᓴᐅᔪᖅ. ᐊᔾᔨᒌᖏᑦᑐᓂᒃ ᐃᓕᓐᓂᐊᕐᓂᖃᖅᑐᓂᒃ ᐊᕐᓇᓂᒃ ᓄᓇᒥ, ᐃᒪᕕᒻᒥ, ᖁᔭᒋᔭᖃᑦᓯᐊᖅᑐᑦ ᓇᓗᓇᐃᖅᓯᓪᓗᑎᓪᓗ ᐃᑲᔪᖅᑕᐅᕕᔾᔪᐊᕐᓂᒥᓂᒃ ᑕᒪᓐᓇ ᑲᔪᓯᒍᓐᓇᖁᓪᓗᒍ.
ᐅᑲᓕᖅ ᐃᔨᑦᓯᐊᖅ
ᐅᑲᓕᖅ ᐃᔨᑦᓯᐊᖅ, ᓄᓇᖃᖅᑳᖅᓯᒪᔪᖅ ᓯᕗᓕᖅᑎᐅᔪᖅ ᑐᓴᐅᒪᑎᑦᓯᑦᑎᐊᖃᑦᑕᖅᑐᖅ ᐃᓄᐃᑦ ᐅᑭᐅᖅᑕᖅᑐᒥᒃ ᑲᓇᑕᒥ ᐅᖓᑖᓄᓪᓗ. ᐃᒃᓯᕙᐅᑕᕆᔭᐅᓚᐅᖅᓯᒪᔪᖅ ᐃᓄᐃᑦ ᓯᓚᕐᔪᐊᕐᒥ ᑲᑎᒪᔨᖏᓐᓄᑦ; ᖃᐅᔨᒪᓂᖃᖅᑐᖅ ᐃᓄᐃᑦ ᓄᓇᓕᖏᓐᓂᒃ ᐊᒻᒪᓗ ᐊᔾᔨᒌᖏᑦᑐᓂᒃ ᒐᕙᒪᐅᑉ ᐊᐅᓚᓂᕆᕙᑦᑕᖏᓐᓂᒃ ᐊᒻᒪᓗ ᒐᕙᒪᒃᑯᖏᑦᑐᓂᒃ ᐊᐅᓚᓂᕆᕙᑦᑕᖏᓐᓂᒃ.
ᐅᑲᓕᖅ ᐃᖅᑲᓇᐃᔭᖃᑦᑕᖅᑐᖅ ᐃᖃᓗᓐᓂ ᐊᒻᒪᓗ ᐊᑑᕙᒥ ᓇᒻᒥᓂᕆᔭᐅᔪᓄᑦ ᐅᑭᐅᖅᑕᖅᑐᒧᑦ ᐱᓕᕆᔨᐅᔪᓂᒃ ᐊᒻᒪᓗ ᑲᓇᑕᒥ ᓄᓇᖃᖅᑳᖅᓯᒪᔪᓄᑦ ᐱᔭᓐᓂᖏᑦᑐᓕᕆᔨᐅᓪᓗᑎ.
ᔭᓯᑲ ᕼᐅᔅᑕᓐ
ᓴᓇᙳᐊᖅᑎ ᐊᐅᓚᖃᑦᑕᖅᑐᖅ ᓯᓚᕐᔪᐊᑉ ᑭᓪᓕᖓᓂᑦ ᐊᑖᓄᑦ − ᐊᔾᔨᙳᐊᓂᒃ ᐊᑐᓲᖅ, ᐅᓂᒃᑳᖅᑎᐅᓲᑦ, ᐊᒥᐊᕆᔨᐅᔪᖅ ᐊᒻᒪᓗ ᐊᐅᔭᓕᐅᖃᑦᑕᖅᑐᖅ − ᐱᓕᕆᐊᖃᖃᑦᑕᖅᑐᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ, ᑭᓱᑐᐃᓐᓇᕐᓂᓪᓗ ᑭᒡᒐᖅᑐᐃᔨᐅᓲᖅ ᓈᒻᒪᓇᖅᓯᒪᓱᕆᖏᑦᑕᖏᓐᓂᒃ ᐱᓗᐊᖅᑐᒥᒃ, ᐱᓪᓚᕆᒋᔭᖃᖅᑐᖅ ᓯᑯᒥᒃ ᐊᒻᒪᓗ ᓯᓚᒥᒥᐅᑕᓂᒃ.
ᖃᐅᔨᓴᕈᑎᒋᖃᑦᑕᖅᑕᖏᓐᓂᒃ, ᐊᑐᓲᖑᔪᖅ ᐅᓂᒃᑳᓕᐊᕆᕙᓪᓕᐊᓪᓗᒋᑦ ᓇᐃᑦᑐᓂᒃ, ᑎᒥᐊᖅ ᐃᓴᕈᑭᑦᑐᖅ ᑎᖏᒍᓐᓇᖏᑦᑐᖅ ᖃᐅᔨᓴᖅᑎᒻᒪᕆᓐᓂᒃ ᐊᒻᒪᓗ ᑐᑭᓕᐅᕆᕙᑦᑐᓂᒃ ᐊᒻᒪᓗ ᓯᓚᕐᔪᐊᒦᑦᑐᓂᒃ ᐃᑲᔪᖅᓱᖏᑦᑐᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂᒃ, ᓯᓚᕐᔪᐊᑉ ᓂᒋᐊ ᐊᒻᒪᓗ ᐊᐃᔅᓚᓐᒥ.
ᓇᐃᔫᒥ ᐸᓚᓇᑦ
ᓇᐃᔫᒥ ᐸᓚᓇᑦ, ᐃᓱᓕᒃᓯᕙᓪᓕᐊᔪᖅ ᐃᓕᓐᓂᐊᕐᓂᕆᔭᐅᕙᑦᑑᑉ ᖁᑦᑎᓛᖓᓂᒃ, ᓯᓚᑦᑐᖅᓴᕐᕕᔾᔪᐊᖓᓂᒃ ᒪᑭᐅᓪ, ᖃᐅᔨᓴᖅᑎᐅᓂᖃᖅᑐᖅ, ᖁᕕᐊᒋᓪᓚᕆᑦᑕᖓ ᐅᒥᐊᑐᕐᓂᖅ ᐊᒻᒪᓗ ᐃᓕᓐᓂᐊᖅᓯᒪᓂᓂᒃ ᐱᓕᕆᖃᑎᖏᓐᓄᑦ. ᐃᓕᓐᓂᐊᖅᓯᒪᔪᖅ ᐃᒪᕕᔾᔪᐊᒥ ᐅᑭᐅᖅᑕᖅᑐᒧᑦ ᐃᖏᕐᕋᖃᑦᑕᖅᑐᒥᒃ, ᑲᑎᑉᐸᒻᒪᑕ ᐆᓇᕐᓂᖓ ᐊᒻᒪᓗ ᐅᑭᐅᖅᑕᖅᑑᑉ ᐃᒪᖏᓐᓄᑦ.
ᐃᖏᕐᕋᓂᕐᒥᓂᒃ, ᓇᐃᔫᒥ ᐱᓕᕆᐊᕆᖃᑦᑕᖅᑕᒥᓂᒃ ᑲᔪᓯᓂᐊᖅᑐᖅ ᖃᐅᔨᓴᕐᓗᓂ ᐃᒪᐅᑉ (ᐆᓇᕐᓂᖓᓂᒃ ᐊᒻᒪᓗ ᑕᕆᐅᕐᒥ ᓄᖑᑎᑉᐸᓕᐊᓲᒥ) ᐆᑦᑐᐃᖃᑦᑕᕐᓂᐊᖅᑐᖅ ᒥᑦᑎᒪᑕᓕᒻᒥ ᐊᒻᒪᓗ ᐅᐊᓕᓂᐅᑉ ᐃᒪᕕᖓᓂᒃ
ᓄᓇᒥ:
ᐱᕐᓇᑎ ᑏᓐ
ᑲᖏᖅᓯᓂᕐᒥᐅᑕ, ᐊᒻᒪᓗ ᓯᐅᓴᕐᓈᑉ ᐃᓗᓕᕆᓪᓗᓂᐅᒃ ᖃᐅᔨᒪᓂᖃᖅᑐᖅ ᖃᓄᐃᑉᐸᓪᓕᐊᓯᒪᔪᓂᒃ, ᑐᓴᐅᒪᔨᐅᓪᓗᓂ ᖃᐅᔨᒪᔭᐅᔪᓂᒃ
***
ᒪᕋᐃᐊ ᐃᖅᓗ
ᐃᓕᓴᔪᖅ ᐃᓅᓯᕆᔭᐅᔪᑦ ᐊᓯᔾᔨᖅᐸᓪᓕᐊᓂᕆᕙᑦᑕᖏᓐᓂᒃ ᓯᓚᑦᑐᖅᓴᕐᕕᔾᔪᐊᖓᓂ ᕗᑎᔅ ᑲᓚᕕᐊᒥ ᐊᒻᒪᓗ ᒥᑦᑎᒪᑕᓕᒻᒥᐅᑕ
***
ᐋᔪ ᐲᑕ
ᐃᓄᒃ ᒪᓕᒐᓕᐅᖅᑎ ᐊᒻᒪᓗ ᑭᒡᒐᖅᑐᐃᔨ ᐅᓂᒃᑲᐅᓯᖃᖅᑎᓪᓗᒍ ᐃᓅᓯᖓᓂᒃ, ᒪᕐᕈᐊᖅᑎᖅᑐᓂ ᐊᓯᔾᔨᖅᑕᐅᓯᒪᓂᖓᓂᒃ, ᕿᓯᓐᓂᒃ ᐊᓐᓄᕌᓕᐅᖅᑎᐅᓪᓗᓂᓗ
***
ᔨᓇᕖᓐ ᓕᒧᐃ
ᐅᖃᓕᒫᒐᓕᐅᖅᑎ ᐊᒻᒪᓗ ᑕᑯᔭᒐᖃᕐᕕᒻᒥ ᐃᖅᑲᓇᐃᔮᓕᒃ ᐅᑭᐅᖅᑕᖅᑐᒥᐅᑦ ᑕᑯᔭᒐᖃᕐᕕᖓᓂ ᐊᒻᒪᓗ ᐅᑭᐅᖅᑕᖅᑐᒥᐅᑦ ᐃᓕᓴᒐᒃᓴᐅᔪᓂᑦ, ᕙᐅᑕᓐ ᐃᓕᓐᓂᐊᕐᕕᖓᓂ
***
ᓱᓂᕙ ᓲᐱ
ᖃᐅᔨᓴᖅᑎᐅᔪᖅ, ᑭᓱᑐᐃᓐᓇᕐᓂᒃ ᖃᐅᔨᒐᓱᐊᖅᑎ ᐊᒻᒪᓗ ᐱᒋᐊᖅᑎᓯᓯᒪᔪᖅ ᐆᒻᒪᑎᑦ ᓯᑯᒥ, ᑲᑐᔾᔨᖃᑎᒌᑦ ᑐᓴᐅᒪᑎᑦᓯᔨᐅᓪᓗᑎᒃ ᓯᓚᒥ ᐊᓯᔾᔨᖅᐸᓪᓕᐊᓂᖓᓂᒃ
***
ᒪᓚᐃᔭ ᕕᓰᑉ
ᐃᒪᐅᑉ ᐃᑭᐊᖓᓂ ᖃᐅᔨᓴᖅᑎᐅᔪᖅ ᒥᕐᖑᐃᖅᓯᕕᓕᕆᔨᒃᑯᓐᓄᑦ ᐱᓕᕆᖃᑕᐅᔪᖅ, ᖃᐅᔨᓴᖃᑦᑕᖅᑐᑦ ᐊᔾᔨᒌᖏᑦᑐᓂᒃ ᐅᒥᐊᔪᐊᖃᕐᕕᒥᓂᕐᓂᒃ, ᐃᖃᓗᒻᒥᐅᑕ, ᓄᓇᕗᒻᒥ
***
ᓗᑦᑖᖅ ᐃᓴᕕᐅ ᒑᑉ
ᐃᓕᓐᓂᐊᕇᓯᔪᖅ, ᓴᓇᐅᒐᕐᓂᑦ ᑐᑭᖏᓐᓂᒃ, ᐃᓕᖅᑯᓯᖃᑎᒌᖏᑦᑐᑦ ᑕᑯᒃᓴᐅᑎᒐᒃᓴᐃᑦ ᑲᑎᒪᔨᕋᓛᖏᓐᓄᑦ
***
ᒫᓂᑲ ᑭᑦ
ᑎᑎᕋᖅᑎ, ᓗᑦᑖᖅ ᐊᒻᒪᓗ ᓯᓚᕐᔪᐊᒥ ᐃᖏᕐᕋᔭᖅᑎ
***
ᓗᑦᑕᖅ ᒪᐃᔭ−ᓖᓴ ᕼᐊᕐᔪ
ᖃᐅᔨᓴᖅᑎ ᐊᒻᒪᓗ ᐃᓕᓐᓂᐊᒐᒃᓴᓕᕆᔨ ᓯᓚᑦᑐᓴᕐᕕᐊᖓᓂ ᒪᑭᐅᓪ, ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ ᐊᒻᒪᓗ ᐃᓕᓐᓂᐊᖅᑐᓕᕆᔨ